Blessings

The General Rules for Blessings are described in the Ritual under Title VIII. The following principles and practices for blessings are noteworthy:

– Blessings may be given by any priest, except those otherwise reserved to the Roman Pontiff or Bishops.

– Deacons and Lectors may licitly and validly give only the blessings permitted to them by law.

– Those things blessed with a constitutive blessing may not be turned over to profane or improper use.

– Blessings, whether invocative or constitutive, are invalid if the Church’s prescribed formula is not used. [However, quinquennial missionary faculties provide for the blessing of objects with the simple sign of the cross when needed.]

– Blessings are foremost for Catholics, but may be given to catechumens, and even, unless prohibited by the Church, to non-Catholics so that they may obtain the light of faith, or, together with it, bodily health.

– In every blessing outside of Mass, the priest should wear a surplice and the stole of the color of the season, unless otherwise noted in the Ritual. [The color white may be used unless an exorcism is to be given, such as for Holy Water or the medal of St. Benedict, in which case violet is used. If the blessing is given immediately before or after the Mass, the Mass vestments may be worn, without the maniple.]

– The priest gives blessings while standing, with his head uncovered, i.e., without the biretta. When the faithful are given a blessing, they kneel to receive it.

– For the purpose of blessings, nothing unbecoming is to be placed on the Altar, such as food or Pascha baskets; these items must be placed on a side table, and are fittingly blessed in the vestibule.

1. Diebus Dominicis, et quandocumque opus sit, præparato sale et aqua munda benedicenda in ecclesia, vel in sacristia, Sacerdos,superpelliceo et stola violacea indutus, primo dicit:

V. Adjutórium nostrum in nómine Dómini.
R. Qui fecit cælum et terram.

2. Deinde absolute incipit exorcismum salis.
EXORCIZO te, creatúra salis, per Deum + vivum, per Deum + verum, per Deum + sanctum, per Deum,qui te per Eliséum Prophétam in aquam mitti jussit,  ut sanarétur sterílitas aquæ: ut efficiáris sal exorcizátum in salútem credéntium; et sis ómnibus suméntibus te sánitas animæ et córporis; et effúgiat, atque discédat a loco, in quo aspérsum fúeris,omnis phantásia,et nequítia,vel versútia diabólicæ fraudis, omnísque Spíritus immúndus, adjurátus per eum, qui ventúrus est judicáre vivos et mórtuos, et saeculum per ignem. R. Amen.

Orémus.
IMMENSAM cleméntiam tuam, omnípotens ætérne Deus, humíliter implorámus, ut hanc creatúram salis, quam in usum géneris humáni tribuísti, bene + dícere et sancti + ficáre tua pietáte dignéris:ut sit ómnibus suméntibus salus mends et córporis; et quidquid ex eo tactum vel respérsum fúerit, cáreat omni immundítia, omníque impugnatióne spiritális nequítiæ. Per Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti Deus, per ómnia saecula sæculórum. R. Amen.

Exorcismus aquæ: et dicitur absolute;

EXORCIZO te,creatúra aquæ,in nómine Dei + Patris omnipoténtis, et in nómine Jesu + Christi Fílii ejus Dómini nostri, et in virtúte Spíritus + Sancti: ut fias aqua exorcizáta ad effugándam omnem potestátem inimíci, et ipsum inimícum eradicáre et explantáre váleas cum ángelis suis apostáticis, per virtútem ejúsdem Dómini nostri Jesu Christi:qui ventúrus est judicáre vivos et mórtuos, et saeculum per ignem. R. Amen.

Orémus.
DEUS,qui ad salútem humáni géneris,máxima quæque sacraménta in aquárum substántia condidísti: adésto propítius invocatiónibus nostris, et eleménto huic multímodis purificatiónibus præparáto,virtútem tuæ bene + dictiónis infúnde:ut creatúra tua, mystériis tuis sérviens, ad abigéndos daemones, morbósque pelléndos, divínæ grátiæ sumat efféctum; ut quidquid in domibus,vel in locis fidélium,hæc unda respérserit, cáreat omni immundítia, liberétur a noxa: non illic resídeat spíritus péstilens, non aura corrúmpens: discédant omnes insídiæ laténtis inimíci;et si quid est, quod aut incolumitáti habitántium invidet, aut quiéti,aspersióne hujus aquæ effúgiat: ut salúbritas, per invocatiónem sancti tui nóminis expetíta, ab ómnibus sit impugnatiónibus defénsa. Per Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti Deus,per ómnia saecula sæculórum. R. Amen.

3. Hic ter mittat sal in aquam in modum crucis, dicendo semel:

Commixtio salis et aquæ páriter fiat, in nómine Pa + tris, et Fí + lii, et Spíritus + Sancti. R. Amen.

V. Dóminus vobíscum.
R. Et cum spíritu tuo.

Orémus.
DEUS, invíctæ virtútis auctor, et insuperábilis impérii Rex, ac semper magníficus triumphátor: qui advérsæ dominatiónis vires réprimis: qui inimíci rugiéntis sævítiam súperas: qui hostíles nequítias poténter expúgnas;te, Dómine,treméntes et súpplices deprecémur, ac pétimus: ut hanc creatúram salis et aquæ dignánter aspícias, benígnus illústres, pietátis tuæ rore sanctífices; ut, ubicúmque fúerit aspérsa, per invocatiónem sancti nóminis tui, omnis infestátio immúndi spíritus abigátur:terrórque venenósi serpéntis procul pellátur:et præséntia Sancti Spíritus nobis, misericórdiam tuam poscéntibus, ubíque adésse dignétur. Per Dóminum nostrum Jesum Christum Fílium tuum, qui tecum vivit et regnat in unitáte ejúsdem Spíritus Sancti Deus,per ómnia saecula sæculórum. R. Amen.

1. Si Cruces, publicæ venerationi expositæ, solemniter benedicantur, hæc benedictio Ordinario reservatur qui tamen potest eam cuilibet Sacerdoti committere.

Privatim autem hæc benedictio a quolibet Sacerdote fieri potest sine ulla Ordinarii licentia.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
Rogámus te, Dómine sancte. Pater omnípotens, ætérne Deus: ut dignéris bene + dícere hoc signum Crucis, ut sit remédium salutáre géneri humáno; sit solíditas fídei, proféctus bonórum óperum, redémptio animárum; sit solámen, et protéctio, ac tutéla contra sæva jácula inimicórum. Per Christum Dóminum nostrum. R Amen.

Orémus.
Béne + dic, Dómine Jesu Christe, hanc Crucem, per quam eripuísti mundum a potestáte dǽmonum, et superásti passióne tua suggestórem peccáti, qui gaudébat in prævaricatióne primi hóminis per ligni vétiti sumptiónem. Hic aspergatur aqua benedicta. Sanctificétur hoc signum Crucis in nómine Pa + tris, et Fí + lii, et Spíritus + Sancti; ut orántes, inclinantésque se propter Dóminum ante istam Crucem, invéniant córporis et ánimæ sanitátem. Per eúmdem Christum Dóminum nostrum. R Amen.

2. Postea Sacerdos ante Crucem genuflexus ipsam devote adorat, et osculatur, et idem faciunt quicumque voluerint.

Jesu Christi Domini nostri vel B. Mariae Virginis vel alius Sancti

Si Imagines, publicse venerationi expositæ, solemniter benedicantur, hæc benedictio Ordinario reservatur, qui tamen potest eam cuilibet Sacerdoti committere,

Privatim autem hæc benedictio a quolibet Sacerdote fieri potest sine ulla Ordinarii licentia.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
Omnípotens sempitérne Deus, qui Sanctórum tuórum imágines (sive effigies) sculpi aut pingi non réprobas, ut quóties illas óculis córporis intuémur tóties eórum actus et sanctitátem ad imitándum memóriæ óculis meditémur : hanc quǽsumus, imáginem (seu sculptúram) in honórem et memóriam Unigéniti Fílii tui Dómini nostri Jesus Christi (vel beatíssimæ Vírginis Maríæ, matris Dómini nostri Jesu Christi, vel beáti N., Apóstoli tui, vel Mártyris, vel Pontíficis, vel Confessóris, vel beátæ N., Vírginis, vel Mártyris) adaptátam, bene + dícere, et sancti + ficáre dignéris: et præsta ut quicúmque coram illa Unigénitum Fílum tuum (vel beátissimum Vírginem vel gloriosum Apostolum, vel Mártyrem, vel Pontíficem, vel Confessórem tuum, vel gloriósam Vírginem, vel Mártyrem) suppliciter cólere et honoráre studúerit, illíus méritis et obténtu a te grátiam in præsenti et ætérnam glóriam obtineat in futáram . Per (eúmdem) Christum Dóminum nostrum. R. Amen.

Et aspergatur aqua benedicta.

Sacerdos stolam albam deferens, dicit:

Propria Congr. Missionis (Approbata a S. R. C. die 19 April. 1895)

Sacerdos benedicturus sacrum Numisma immaculatæ Virginis Mariæ Conceptionis, superpelliceo et stola alba indutus, dicit:

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
Omnípotens et miséricors Deus, qui per multíplices immaculátæ Maríæ Vírginis apparitiónes in terris mirabília júgiter pro animárum salúte operári dignátus es: super hoc numísmatis signum, tuam bene + dictiónem benígnus infúnde; ut pie hoc recoléntes ac devóte gestántes et illíus patrocínum séntiant et tuam misericórdiam consequántur. Per Christum Dóminum nostrum. R Amen.

Deinde Numisma aspergit aqua benedicta, et ipsum postea imponens dicit:

Pro uno vel una
Accipe sanctum Numísma, gesta fidéliter, et digna veneratióne proséquere: ut piíssima immaculáta cælórum Dómina te prótegat atque deféndat; et pietátis suæ prodígia rénovans, quæ a Deo supplíciter postuláveris, tibi misericórditer ímpetret, ut vivens ac móriens in matérno ejus ampléxu felíciter requiéscas. Amen.

Pro pluribus
Accipite sanctum Numísma, gesta fidéliter, et digna veneratióne prosequímini: ut piíssima immaculáta cælórum Dómina vos prótegat atque deféndat; et pietátis suæ prodígia rénovans, quæ a Deo supplíciter postuláveritis, vobis misericórditer ímpetret, ut viventes ac mórientes in matérno ejus ampléxu felíciter requiescátis. Amen.

Inde prosequitur:

Kýrie, eléison, Christe, eléison, Kýrie, eléison.
Pater noster secreto usque ad
V. Et ne nos indúcas in tentatiónem.
R. Sed líbera nos a malo.
V. Regína sine labe origináli concépta.
R. Ora pro nobis,
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Orémus.
Dómine Jesu Christe, qui beatíssimam Vírginem Maríam matrem tuam ab orígine immaculátam innúmeris miráculis claréscere voluísti: concéde; ut ejúsdem patrocínium semper implorántes gáudia consequámur ætérna: Qui vivis et regnas in sǽcula sæculórum. R Amen.

FORMULA BREVIOR BENEDICENDI ET IMPONENDI SCAPULARE B. M. V. DE MONTE CARMELO
quæ adhiberi potest, præsertim in privatis receptionibus, vel occasione magni concursus, ad majorem Sacerdotis recipientis commoditatem. (Approbata a S. R. C. die 24 Julii 1888)

Persona recipienda ad Habitum genuflexa, Sacerdos superpelliceo et stola albi coloris, aut saltem stola indutus, dicat:

V. Osténde nobis, Dómine, misericórdiam tuam.
R. Et salutáre tuum da nobis.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Pro uno vel una:

Orémus. Dómine Jesu Christe, humáni géneris Salvátor, hunc hábitum, quem propter tuum tuæque Genitrícis Vírginis Maríæ de Monte Carmélo amórem servus tuus (ancílla tua) devóte est delatúrus (-a) déxtera tua sanctí + fica, ut eádem Genitríce tua intercedénte, ab hoste malígno defénsus (-a) in tua grátia usque ad mortem persevéret: Qui vivis et regnas in sæcula sæculórum. R. Amen.

Pro pluribus:

Orémus. Dómine Jesu Christe, humáni géneris Salvátor, hunc hábitum, quem propter tuum tuæque Genitrícis Vírginis Maríæ de Monte Carmélo amórem servi tui (ancíllæ tuæ) devóte sunt delatúri (-æ) déxtera tua sanctí + fica, ut eádem Genitríce tua intercedénte, ab hoste malígno defénsi (-æ) in tua grátia usque ad mortem persevérent: Qui vivis et regnas in sæcula sæculórum. R. Amen.

Deinde aspergat Habitum aqua benedicta, et postea illum imponat personæ, vel personis (cuilibet separatim) dicens:

Accipe (Accípite) hunc hábitum benedíctum precans (precántes) sanctíssimam Vírginem, ut ejus méritis illum pérferas (perferátis) sine mácula, et te (vos) ab omni adversitáte deféndat, atque ad vitam perdúcat ætérnam. R. Amen.

Postea subjungat:

Ego, ex potestáte mihi concéssa, recípio te (vos) ad participatiónem ómnium bonórum spirituálium, quæ, cooperánte misericórdia Jesu Christi, a Religiósis de Monte Carmélo peragúntur. In nómine Patris, et Fílii, + et Spíritus Sancti. R. Amen.

Bene + dícat te (vos) Cónditor cæli et terræ, Deus omnípotens, qui te (vos) cooptáre dignátus est in Confraternitátem beátæ Maríæ Vírginis de Monte Carmélo: quam exorámus, ut in hora óbitus tui (vestri) cónterat caput serpéntis antíqui, atque palmam et corónam sempitérnæ hereditátis tandem consequáris (consequámini). Per Christum Dóminum nostrum. R. Amen.

Aspergatur persona aqua benedicta. Si plures simul recipiendi sint, mutetur numerus. Si Habitus solummodo benedicendus sit, tunc benedictio incipit a V. Osténde, et concluditur cum Oratione Dómine Jesu Christe.

FORMULA BREVIOR BENEDICENDI NUMISMATA S. BENEDICTI

Sacerdos induitur stola viola.

V. Adjutorium nostrum in nomine Domini.
R. Qui fecit caelum et terram.

Exorcizo vos, numismata, per Deum + Patrem omnipotentem, qui fecit caelum et terram, mare et omnia, quae in eis sunt. Omnis virtus adversarii, omnis exercitus diaboli, et omnis incursus, omne phantasma satanae, eradicare et effugare, ab his numismatibus: ut fiant omnibus qui eis usuri sunt, salus mentis et corporis: in nomine Pa + tris omnipotentis, et Jesu + Christi Filii ejus, Domini nostri, et Spiritus + Sancti Paracliti, et in caritate ejusdem Domini nostri Jesu Christi, qui venturus est judicare vivos et mortuos, et sǽculum per ignem.
R. Amen.

V. Domine, exaudi orationem meam.
R. Et clamor meus ad te veniat.
V. Dominus vobiscum.
R. Et cum spiritu tuo.

Oremus.

Deus omnipotens, bonorum omnium largitor, supplices te rogamus, ut per intercessionem sancti Benedicti his sacris numismatibus tuam bene + dictionem infundas, ut omnes qui ea gestaverint ac bonis operibus intenti fuerint, sanitatem mentis et corporis, et gratiam sanctificationis atque indulgentias (nobis) concessas consequi mereantur, omnesque diaboli insidias et fraudes, per auxilium misericordiae tuae, studeant devitare et in conspectu tuo sancti et immaculati valeant apparere. Per Christum Dominum nostrum.
R. Amen.

Et aspergantur aqua benedicta.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.

DOMINE Jesu Christe, Fíli Dei vivi, béne + dic candélas istas supplicatiónibus nostris: infúnde eis, Dómine,per virtútem sanctæ Cru + cis, benedictiónem cæléstem, qui eas ad repelléndas ténebras humáno géneri tribuísti; talémque benedictiónem signáculo sanctæ Cru + cis accípiant, ut quibuscúmque locis accénsæ, sive pósitæ fúerint, discédant príncipes tenebrárum, et contremíscant, et fúgiant pávidi cum ómnibus minístris suis ab habitatiónibus illis, nec præsúmant ámplius inquietáre, aut molestáre serviéntes tibi omnipoténti Deo: Qui vivis et regnas in saecula sæculórum. R. Amen.

Et aspergantur aqua benedicta.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
BENE + DIC, Dómine, creatúram istam N., ut sit remédium salutáre géneri humáno: et præsta per invocatiónem sancti nóminis tui: ut quicúmque ex ea súmpserint, córporis santitátem, et ánimæ tutélam percípiant. Per Christum Dominum nostrum. R. Amen.

Et aspergatur aqua benedicta.

Ante Prandium

Benedícite.
Benedícite.
Benedic, Domine, nos, et haec tua + dona, quae de tua largitate sumus sumpturi. Per Christum Dominum nostrum.
Amen.
Iube, domne, benedicere.
Mensae caelestis participes faciat nos Rex aeternae gloriae.
Amen.

Ante Cenam

Benedícite.
Benedícite.
Benedic, Domine, nos, et haec tua + dona, quae de tua largitate sumus sumpturi. Per Christum Dominum nostrum.
Amen.
Iube, domne, benedicere.
Ad cenam vitae aeternae perducat nos Rex aeternae gloriae.
Amen.

Post Prandium et Post Cenam

Agimus tibi gratias, omnipotens Deus, pro universis beneficiis tuis: Qui vivis et regnas in saecula saeculorum.
Amen.
Benedicamus Domino.
Deo gratias.
Fidelium animae, per misericordiam Dei, requiescant in pace.
Amen.

There are special blessings for some days of the year:

Maundy Thursday: Christus factus est pro nobis obediens usque ad mortem + .

Good Friday: Christus factus est pro nobis obediens usque ad mortem, mortem autem crucis + .

Holy Saturday: Principes sacerdotum et pharisaei munierunt sepulcrum, signantes lapidem, cum custodibus + .

Easter Sunday and Octave: V. Haec dies, quam fecit Dominus, alleluia + . R. Exsultemus, et laetemur in ea, alleluia.

Ascension until Pentecost: V. Ascendit Deus in iubilatione, alleluia + . R. Et Dominus in voce tubae, alleluia.

Pentecost and Octave: V. Spiritus Domini replevit orbem terrarum, alleluia + . R. Et hoc quod continet omnia, scientiam habet vocis, alleluia.

(Cf. reliqua in Benedictio mensae in the Rituale Romanum)

Hæc benedictionis formula adhiberi potest a quovis Sacerdote pro omnibus rebus, quarum specialis benedictio in Rituali Romano non habeatur.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
DEUS, cujus verbo sanctificántur omnia, bene + dictiónem tuam effúnde super creatúram istam (creatúras istas): et præsta, ut,quisquis ea (eis) secúndum legem et voluntátem tuam cum gratiárum actióne usus fúerit, per  invocatiónem  sanctíssimi nóminis tui, córporis sanitátem et ániniæ tutélam, te auctóre, percípiat. Per Christum Dóminum nostrum. R. Amen.

Et aspergatur aqua benedicta.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
PROPITIARE, Dómine Deus,supplicatiónibus nostris, et béne + dic currum istum déxtera tua sancta: adjúnge ad ipsum sanctos Angelos tuos, ut omnes,qui in eo vehéntur, líberent et custódiant semper a perículis univérsis: et quemádmodum viro Æthíopi super currum suum sedénti et sacra elóquia legénti, per Levítam tuum Philíppum fidem et grátiam contulísti; ita fámulis tuis viam salútis osténde, qui tua grátia adjúti bonísque opéribus júgiter inténti, post omnes viæ et vitæ hujus varietátes,ætérna gáudia cónsequi mereántur. Per Christum Dóminum nostrum. R. Amen.

Et aspergatur aqua benedicta.

Tempore Paschali

1. Parochus, seu alius Sacerdos de Parochi licentia, superpelliceo et stola alba indutus, cum ministro deferente vas aquæ benedictæ in Vigilia Paschali, atque ante infusionem Olei et Chrismatis acceptæ, visitat domos suæ parœciæ, aspergens eas eadem aqua benedicta.

Ingrediens domum dicit:

V. Pax huic dómui.
R. Et ómnibus habitántibus in ea.

2. Deinde, aspergens loca praecipua domus et habitantes in ea, dicit:

Ant. Vidi aquam egrediéntem de templo, a látere dextro, allelúja; et omnes, ad quos pervénit aqua ista, salvi facti sunt, et dicent: allelúja, allelúja.

Ps. 117, i. CONFITEMINI Dómino, quóniam bonus: quóniam in saeculum misericórdia ejus.

V. Glória Patri.

Repetitur Ant. Vidi aquam.

Deinde dicit:

V. Osténde nobis, Dómine, misericórdiam tuam, allelúja.
R. Et salutáre tuum da nobis, allelúja.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Orémus.

EXAUDI nos,Dómine sancte,Pater omnípotens, ætérne Deus: et sicut domos Hebræórum in éxitu de Ægypto, agni sánguine linítas (quod pascha nostrum, in quo immolátus est Christus,figurábat),ab Angelo percutiénte custodísti; ita míttere dignéris sanctum Angelum tuum de cælis, qui custódiat, fóveat, prótegat, vísitet atque deféndat omnes habitántes in hoc habitáculo. Per eúmdem Christum Dóminum nostrum. R. Amen.

Extra Tempus Paschale

1. Sacerdos, volens domum aspergere aqua benedicta, ingrediens domum dicit:

V. Pax huic dómui.
R. Et ómnibus habitántibus in ea.

2. Deinde loca præcipua domus aspergendo, dicit:

Ant. Aspérges me, Dómine, hyssópo, et mundábor: lavábis me, et super nivem dealbábor.
Ps. 50, 1. Miserére mei, Deus, secúndum magnam misericórdiam tuam.

V. Glória Patri

Et repetitur Ant. Aspérges me.

V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Orémus.
EXAUDI nos,Dómine sancte,Pater omnípotens, ætérne Deus: et  míttere dignéris sanctum  Angelum tuum de cælis; qui  custódiat, fóveat,  prótegat,  vísitet atque deféndat omnes habitántes in hoc  habitáculo. Per Christum Dóminum nostrum. R. Amen.

V. Adjutórium nostrum in nómine Dómini.
R. Qui fecit cælum et terram.
V. Dóminus vobíscum.
R. Et cum spíritu tuo.

Orémus.
BENE + DIC, Dómine, Deus omnípotens, locum istum (vel domum istam): ut sit in eo (ea) sánitas, cástitas, victória, virtus, humílitas, bónitas, et mansuetúdo, plenitúdo legis, et gratiárum áctio Deo Patri, et Fílio, et Spíritui Sancto; et hæc benedíctio máneat super hunc locum (vel super hanc domum) et super habitántes in eo (ea) nunc et in ómnia saecula sæculórum. R. Amen.

Et aspergatur aqua benedicta.

V. Adjutórium nostrum in nómine Dómini
R. Qui fecit cælum et terram.
V. Deus noster miserétur.
R. Custódiens párvulos Dóminus.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Orémus.

DOMINE Jesu Christe, Fíli Dei vivi, qui, ante ómnia saecula génitus, in témpore tamen infans esse voluísti, et hujus ætátis díligis innocéntiam; qui párvulos tibi oblátos amánter compléxus es, iísque benedixísti: infántem istum (infántes istos)praeveni in benedictiónibus dulcédinis,et præsta,ne malítia mutet intelléctum ejus(eorum):eíque (eísque) concéde, ut profíciens (proficiéntes) ætáte,  sapiéntia  et grátia, tibi semper placére váleat (váleant): Qui vivis et regnas cum Deo Patre in unitáte Spíritus Sancti Deus, per ómnia saecula sæculorum.
R. Amen.

Deinde Sacerdos infantem (vel infantes) aspergat aqua benedicta, dicens:

Pax et benedíctio Dei omnipoténtis, Patris, et Fílii, + et Spíritus Sancti, descéndat super te (vos), et máneat semper.
R. Amen.

Cum Præsertim In Ecclesia Præsentantur

Die et hora constitutis, pueri conveniant in ecclesiam,quos ibi a parentibus vel magistris associari maxime deceret, ut silentio et modestia facilius se componant. Quibus per ordinem dispositis, et pueris a puellis, si adsint, separatis, Sacerdos ad ipsos accedat, et brevissimo ac simplici sermone eos alloquatur, prout opportunum sibi visum fuerit.

Deinde stans versus eos dicat:

V. Adjutórium nostrum in nómine Dómini.
R. Qui fecit cælum et terram.

Antiphona: Laudáte púeri Dóminum:laudáte nomen Dómini.

Psalmus 112

LAUDATE, servi Dómini, * laudáte nomen Dómini.

Sit nomen Dómini benedíctum, * et nunc et usque in ætérnum.

A solis ortu usque ad occásum ejus * laudétur nomen Dómini. —

Excélsus super omnes gentes Dóminus, * super cælos glória ejus.

Quis sicut Dóminus, Deus noster, qui sedet in alto * et óculos demíttit in cælum et in terram? —

Súblevat e púlvere ínopem, * e stércore érigit páuperem,

Ut cóllocet eum cum princípibus, * cum princípibus pópuli sui.

Habitáre facit eam, quæ stérilis erat in domo, * matrem filiórum lætántem.

Glória Patri, et Fílio, * et Spíritui Sancto.

Sicut erat in princípio, et nunc et semper, * et in saecula sæculórum. Amen.

Et repetitur Antiphona: Laudáte púeri Dóminum: laudáte nomen Dómini.

Qui psalmus cum sua Antiphona, si paucis tantum, aut minus solemniter conferatur Benedictio, omitti poterit.

Finito Psalmo et repetita Antiphona, Sacerdos dicit:

V. Sínite párvulos veníre ad me.
R. Tálium est enim regnum cælórum.
V. Angeli eórum.
R. Semper vident fáciem Patris.
V. Nihil profíciat inimícus in eis.
R. Et fílius iniquitátis non appónat nocére eis.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Orémus.
DOMINE Jesu Christe, qui párvulos tibi oblátos et ad te veniéntes compléxus es, manúsque super illos impónens benedixísti eis, atque dixísti: Sínite párvulos veníre ad me, et nolíte prohibére eos,tálium est enim regnum cælórum, et Angeli eórum semper vident fáciem Patris mei; réspice, quaesumus, ad puerórum (puellárum, si solæ adsint puellæ) præséntium innocéntiam, et ad eórum (eárum) paréntum devotiónem, et cleménter eos (eas) hódie per ministérium nostrum béne + dic; ut in tua grátia et misericórdia semper profíciant, te sápiant, te díligant, te tímeant, et mandáta tua custódiant, et ad finem optátum felíciter pervéniant: per te, Salvátor mundi, qui cum Patre et Spíritu Sancto vivis et regnas Deus in saecula sæculórum.       R. Amen.

Orémus.
DEFENDE, quaesumus, Dómine, beáta María semper Vírgine intercedénte, istam ab omni adversitáte famíliam: et toto corde tibi prostrátam, ab hóstium propítius tuére cleménter insídiis. Per Christum Dóminum nostrum.  R. Amen.

Orémus.
DEUS, qui ineffábili providéntia sanctos Angelos tuos ad nostram custódiam míttere dignáris: largíre supplícibus tuis; et eórum semper protectióne deféndi, et ætérna  societáte  gaudére. Per Christum Dóminum nostrum.  R. Amen.

Postea manu dextera producens signum crucis super pueros,benedicit eos, dicens:

Benedícat vos Deus, et custódiat corda vestra et intellegéntias vestras, Pater, et Fílius,+ et Spíritus Sanctus. R. Amen.

Deinde aspergat pueros aqua benedicta.

Pueri infirmi, qui ad hunc usum rationis pervenerunt, ut ipsis præberi possit Sacramentum Extremæ Unctionis, iis adjuventur exhortationibus et precibus, qua: describuntur in Rituali Romano,ubi agitur de visitatione et cura infirmorum, prout feret temporis opportunitas et eorumdem aegrotantium status.

Verum pro ceteris junioribus pueris infirmis adhiberi possum sequentes preces. Sacerdos infirmi cubiculum ingressus, primum dicit:

V. Pax huic dómui.
R. Et ómnibus habitántibus in ea.

Mox infirmum et lectum ejus et cubiculum aspergit, nihil dicens.

Deinde dicit Psalmum 112 , cum Glória Patri, in fine.

Postea dicit:

Kýrie, eléison. Christe, eléison. Kýrie, eléison.

Pater noster secreto usque ad

V. Et ne nos indúcas in tentatiónem.
R. Sed líbera nos a malo.
V. Deus noster miserátur.
R. Custódiens párvulos Dóminus.
V. Sínite párvulos veníre ad me.
R. Tálium est enim regnum cælórum.
V. Dómine exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Orémus.
DEUS, cui cuncta adoléscunt, et per quem adúlta firmántur: exténde déxteram tuam super hunc fámulum tuum (hanc fámulam tuam), in ténera ætáte languéntem: quátenus, vigóre sanitátis recépto, ad annórum pervéniat plenitúdinem, et tibi fidéle gratúmque obséquium indesinénter præstet ómnibus diébus vitæ suæ. Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti Deus,per ómnia saecula sæculórum. R. Amen.

Orémus.
PATER misericordiárum et Deus totíus consolatiónis, qui, creatúræ tuæ multíplici pietáte cónsulens, non solum ánimæ, sed ipsi córpori curatiónis grátiam benígnus infúndis: hunc párvulum infírmum (hanc párvulam infírmam) a lecto ægritúdinis erígere, et Ecclésiæ tuæ sanctæ, suísque paréntibus incólumem restitúere dignéris; ut, cunctis prolongátæ sibi vitæ diébus,grátia et sapiéntia coram te et homínibus profíciens, in justítia et sanctitáte tibi sérviat, et débitas misericórdiæ tuæ réferat gratiárum actiónes. Per Christum Dóminum nostrum. R. Amen.

Orémus.
DEUS, qui miro órdine Angelórum ministéria hominúmque dispénsas: concéde propítius; ut, a quibus tibi ministrántibus in cælo semper assístitur, ab his in terra vita hujus púeri (puéllæ) muniátur. Per Christum Dóminum nostrum. R. Amen.

Completa Oratione ultima, Sacerdos imponit dexteram manum super caput infirmi, et dicit:

Super ægros manus impónent, et bene habébunt. Jesus, Maríæ Fílius, mundi salus et Dóminus, méritis et intercessióne sanctórum Apostolórum suórum Petri et Pauli,et ómnium Sanctórum, sit tibi clemens et propítius. Amen.

Quod sequitur Evangelium, pro temporis opportunitate et pro ægrotantis pueri parentum desiderio, Sacerdotis arbitrio dici poterit.

V. Dóminus vobíscum.
R. Et cum spíritu tuo.
V. Inítium sancti Evangélii secúndum Joánnem.
R. Glória tibi, Dómine.

Dum Sacerdos dicit Inítium, etc., facit signum crucis de more super se in fronte, ore et pectore; similiter super puerum infirmum, si non possit se signare.

Joann. 1, 1-14

IN princípio erat Verbum,et Verbum erat apud Deum, et Deus erat Verbum. Hoc erat in princípio apud Deum. Omnia per ipsum facta sunt, et sine ipso factum est nihil, quod factum est; in ipso vita erat, et vita erat lux hóminum:et lux in ténebris lucet, et ténebræ eam non comprehendérunt. Fuit homo missus a Deo, cui nomen erat  Joánnes. Hic venit in testimónium, ut testimónium perhibéret de lúmine, ut omnes créderent per ilium. Non erat ille lux, sed ut testimónium perhibéret de lúmine. Erat lux vera, quæ illúminat omnem hóminem veniéntem in hunc mundum. In mundo erat, et mundus per ipsum factus est, et mundus eum non cognóvit. In própria venit et sui eum non recepérunt. Quotquot autem recepérunt eum, dedit eis potestátem fílios Dei fíeri, his, qui credunt in nómine ejus: qui non ex sanguínibus, neque ex voluntáte carnis, neque ex voluntáte viri, sed ex Deo nati sunt. (Hic genuflectitur.) Et Verbum caro factum est, et habitávit in nobis: et vídimus glóriam ejus, glóriam quasi Unigéniti a Patre, plenum grátiæ et veritátis.

R. Deo grátias.

Postea, benedicens puerum infirmum, subjungit, dicens:

Benedíctio Dei ommpoténtis, Patris, et Fílii, + et Spíritus Sancti, descéndat super te, et máneat semper. R. Amen.

Deinde aspergat eum aqua benedicta.

Sacerdos cubiculum ægrotantis ingrediens dicat:

V. Pax huic dómui.
R. Et ómnibus habitántibus in ea.

Et continue ad infirmum accedens subjungat:

V. Adjutórium nostrum in nómine Dómini.
R. Qui fecit cælum et terram.
V. Dómine, exáudi oratiónem meam.
R. Et clamor meus ad te véniat.
V. Dóminus vobíscum.
R. Et cum spíritu tuo.

Oremus.
INTROEAT, Dómine Jesu Christe, domum hanc ad nostræ humilitátis ingréssum pax et misericárdia tua; effúgiat ex hoc loco omnis nequítia daemonum, adsint Angeli pacis, domúmque hanc déserat omnis malígna discórdia. Magnífica, Dómine, super nos nomen sanctum tuum: et bénedic nostræ  conversatióni: Qui sanctus et pius es,et pérmanes cum Patre et Spíritu Sancto in saecula sæculórum. R. Amen.

Orémus.
RESPICE, Dómine, fámulum tuum (fámulam tuam) in infirmitáte córporis laborántem, et ánimam réfove quam creásti: ut, castigatiónibus emendátus (-a), contínuo se séntiat tua miseratióne salvátum (-am). Per Christum Dóminum nostrum. R. Amen.

Orémus.
MISERICORS, Dómine, fidélium consolátor,quaesumus imménsam pietátem tuam, ut ad intróitum humilitátis nostræ hunc fámulum tuum (hanc fámulam tuam), super lectum dolóris sui jacéntem, visitáre dignéris, sicut socrum Simónis visitásti: propítius adésto ei, Dómine, quátenus prístina sanitáte recépta, gratiárum tibi in Ecclésia tua réferat actiónes: Qui vivis et regnas Deus in saecula sæculórum. R. Amen.

Deinde, extendens dexteram versus asgrotum, dicat:

Dóminus Jesus Christus apud te sit, ut te deféndat: intra te sit, ut te consérvet: ante te sit, ut te ducat: post te sit,ut te custódiat: super te sit,ut te benedícat: Qui cum Patre et Spíritu Sancto vivit et regnat in saecula sæculórum. R. Amen.

Benedíctio Dei omnipoténtis, Patris, et Fílii, + et Spíritus Sancti, descéndat super te,et máneat semper. R. Amen.

Demum aspergat infirmum aqua benedicta.

BENEDICTIO MULIERIS PRÆGNANTIS

Sacerdos superpelliceo et stola albi coloris indutus dicit:

V. Adiutórium nostrum in nómine Dómini.
R. Qui fecit cælum et terram.
V. Salvam fac ancíllam tuam.
R. Deus meus, sperántem in te.
V. Esto ei, Dómine, turris fortitúdinis.
R. A fácie inimíci.
V. Nihil profíciat inimícus in ea.
R. Et fílius iniquitátis non appónat nocere ei.
V. Mitte ei, Dómine, auxílium de sancto.
R. Et de Sion tuére eam.
V. Dómine, exáudi oratiónem meam.
R. Et clamor meus ad te véniat.
V. Dominus vobíscum.
R. Et cum spíritu tuo.

Orémus.

Omnípotens sempitérne Deus, qui dedísti fámulis tuis in confessióne veræ fídei ætérnæ Trinitátis glóriam agnóscere, et in poténtia maiestátis adoráre unitátem : quæsumus, ut eiúsdem fídei firmitáte hæc fámula tua N. ab ómnibus semper muniátur advérsis. Per Christum Dominum nostrum. R. Amen.

Orémus.

Dómine Deus, ómnium Creátor, fortis et terríbilis, iustus et miséricors, qui solus bonus et pius es; qui de omni malo liberásti Israël fáciens tibi patres nostros diléctos, et sanctificásti eos manu Spíritus tui; qui gloriósæ Vírginis Maríæ corpus et ánimam, ut dignum Fílii tui habitáculum éffici mererétur, Spíritu Sancto cooperánte, præparásti; qui Ioánnem Baptístam Spíritu Sancto replésti et in útero matris exsultáre fecísti; áccipe sacrifícium cordis contríti, ac fervens desidérium fámulæ tuæ N. humíliter supplicántis pro conservatióne prolis, quam ei dedísti concípere: custódi partem tuam, et ab omni dolo et iniúria duri hostis defénde; ut obstetricánte manu misericórdiæ tuæ fetus eius ad lucem próspere véniat, ac sanctæ generatióni servétur, tibíque in ómnibus iúgiter desérviat, et vitam cónsequi mereátur ætérnam. Per eúndem Dóminum nóstrum Iesum Christum Fílium tuum: Qui tecum vivit et regnat in unitáte eiúsdem Spíritus Sancti Deus per ómnia sǽcula sæculórum. R. Amen.

Deinde mulier aspergatur aqua benedicta, et mox dicatur:

Psalmus 66
Deus misereátur nostri, et benedícat nobis: ∗ illuminet vultum suum super nos, et misereatur nostri.
Ut cognóscamus in terra viam tuam: ∗ in ómnibus Géntibus salutarem tuum.
Confiteantur tibi pópuli, Deus, ∗ confiteantur tibi pópuli omnes.
Læténtur et exsultent Gentes, ∗ quoniam judicas pópulos in æquitáte, et Gentes in terra dirigis.
Confiteantur tibi pópuli, Deus, confiteantur tibi pópuli omnes: ∗ terra dedit fructum suum.
Benedicat nos Deus, Deus noster, benedicat nos Deus: ∗ et metuant eum omnes fines terræ.
Glória Patri et Fílio ∗ et Spirítui Sancto.
Sicut erat in princípio, et nunc et semper, ∗ et in sǽcula saeculórum. Amen

V. Benedicámus Patrem et Fílium cum Sancto Spíritu.
R. Laudémus et superexaltémus eum in sæcula.
V. Angelis suis Deus mandávit de te.
R. Ut custódiant te in ómnibus viis tuis.
V. Dómine, exáudi oratiónem meam.
R. Et clamor meus ad te véniat.
V. Dominus vobíscum.
R. Et cum spíritu tuo.

Orémus.

Vísita, quæsumus, Dómine, habitatiónem istam, et omnes insídias inimíci ab ea et a præsénti fámula tua N. longe repélle: Angeli tui sancti hábitent in ea, qui eam et  eius prolem in pace custódiant, et bene + díctio tua sit super eam semper. Salva eos, omnípotens Deus, et lucem eis tuam concéde perpétuam. Per Christum Dominum nostrum. R. Amen.

Benedíctio Dei omnipoténis, Patris, et Fílii, + et Spíritus Sancti, descéndat super te, et prolem tuam, et máneat semper. R. Amen.

Si non habeatur aqua baptismalis, et periculum impendeat, sacerdos utatur aqua simplici, ter vel etiam semel infundens aquam super caput baptizandi in modum crucis, dicens:

N. Ego te baptízo in nómine Pa + tris, et Fí + lii, et Spíritus + Sancti.

Quodsi dubitet an vivat adhuc, dicat:

Si vivis, ego te baptízo in nómine Pa + tris, et Fí + lii, et Spíritus + Sancti.

Accipe, frater (vel soror), Viáticum córporis Dómini nostri Iesu Christi, qui te custódiat ab hoste malígno, et perdúcat in vitam aetérnam. Amen.

Urgente aliqua gravi necessitate in periculo mortis.

Ego te absólvo ab ómnibus censúris et peccátis in nómine Patris, et Fílii, + et Spíritus Sancti. Amen.

Per istam sanctam Unctiónem + indúlgeat tibi Dóminus quidquid deliquísti. R. Amen.

Quodsi dubitet, an vivat adhuc, dicat:

Si vivis, per istam sanctam Unctiónem + indúlgeat tibi Dóminus quidquid deliquísti. R. Amen.

In casu necessitatis sufficit dicere:

Ego, facultáte mihi ab Apostólica Sede tribúta, indulgéntiam plenáriam et remissiónem ómnium peccatórum tibi concédo, et benedíco te. In nómine Patris, et Fílii, + et Spíritus Sancti. R. Amen.